يوم الأربعا اللي طاف ولا يمكن اللي قبله
(نسيت) شفت Because i said so
من بطولة الجميلة ماندي مور
و ديان كيتون
الفلم من اسمه وبوستره ومن بطلاته مبين انه Chick flick
يتكلم عن أم ل 3 بنات.. 2 منهم متزوجات ووحده بعدها ما تزوجت
اللي ماتزوجت هي ماندي مور.. وأمها تخاف عليها انها تكبر وتصير مثلها
فتقرر الام انها تدخل النت وادور على واحد حق بنتها (ونعم الأم)
ضحكتني يوم فتحت النت وطلعتلها مواقع اباحية
بعدين رن التلفون وماعرفت تسكر النت خخخخخخ
المهم.. الأم بتقابل واحد وبتستانس عليه وبتجبر بنتها انها تشوفه
والبنت في هذه الأثناء بتقابل واحد أحسن بمليون مرة من اللي الأم قابلته
لكن بتضطر تشوف ال2 علشان ما تزعل أمها..
المهم ما بكمل قصة الفلم.. لأنه هنيه تبدا الحبكة
اللي عجبني في الفلم
1- لوك ماندي مور اليديد .. عن جد طالعة أكبر وأحلى من قبل وتمثيلها Not the best لكنه متحسن وايد
2- ديان كيتون.. تقدر تعطي حياة لأي دور تاخذه.. حتى لو كان السيناريو ضعيف
]اللي ما عجبني في الفلم
1- الممثلات لورين جراهام وبايبر بيرابو أدوراهم تفشل
المفروض ممثلات معروفات ينتبهون أكثر على اختياراتهم
2- لما راح صوت ديان كيتون وصارت تتكلم بالاشارات صارت مشاهدها مزعجة بشكل
ما كان اله داعي يروحون صوتها في نص الفلم
هذا اللي اتذكره وتصبحون على خير
اللي يحب يشوف الفلم لا يتوقع شي خيالي
فلم بسيط جدا لكنه حلو ويمر بسرعه